عارفين الحل ايه لكل مشاكلنا

بسم الله الرحمن الرحيم

كل الناس دلوقت بتشتكي. العيشة بقت صعبة ان لم تكن مستحيلة. غلاء فاحش مع فقر واحتياج وزحام في مواصلات غير ادمية. مصائب من كل الانواع والاشكال و كل يوم. امراض خطيرة. قلة زواج. حوادث وجرائم رهيبة ما كناش نعرفها قبل كده. بلطجة وقلة ادب وقلة حياء ومخدرات وسفالة. من اول ما تصحي من النوم مشاكل لغاية ماتنام ده ان عرفت تنام. صراحة بقت عيشة ضنك. مش عارف احنا عايشين ازاي. وعلشان مفيش فلوس الناس بقت بتترشي وبتسرق وبتختلس وتغش واول حاجة بيغشوها الاكل والشرب. مش حاكتر عليكم بس انتوا عارفين الهم والغم اللي احنا فيه. طيب والحل ايه. اقول لكم ببساطه وجربوه والنتيجه مضمونة مليار في المية حتي لو انت عايش في مصر بس اصبر كام يوم على الحل ده

بس الاول نعرف سبب مصايبنا كلها

" ومن اعرض عن ذكري فأن له معيشة ضنكا ونحشره يوم القيامة اعمي"

"وما اصابتكم من مصيبة فبما كسبت ايديكم ويعف عن كثير".

تصوروا ان المصايب دي كلها كمان بعد عفو ربنا عن كثير من اللي بنعمله



الحل

" فقلت استغفروا ربكم انه كان غفارا .يرسل السماء عليكم مدرارا.ويمددكم باموال وبنين. ويجعل لكم جنات ويجعل لكم انهارا. ما لكم لا ترجون لله وقارا|"

" ومن يتق الله يجعل له مخرجا ويرزقه من حيث لا يحتسب"

"ومن يتق الله يجعل له من امره يسرا"

والاستغفار في الاية هو الاستغفار المصحوب مع توبة مش باللسان فقط

واخيرا الحلال بين والحرام بين

جربم وانشاء الله حتلاقوا نتائج مذهلة

والسلام عليكم ورحمة الله وبركاته