ازاى تكسب كل مسابقات رمضان وغير رمضان!

من مده وانا بفكر اكتب ولكن داخلين على رمضان وانا قولت لنفسى المسابقات هاتكتر ولازم اقول للناس ازاى يكسبو المسابقات واشاركهم نتاج الخبرات الى مريت بيها

المهم كلام فى المفيد بقا زى ما بيقولو عشان ما ضيعش وقت الى بيقرا المسابقات دى بتاعت ابعت رساله وكلمنا بتكسب ملايين للقناه والواحد ولا التنسن المحظوظين الى بيكسبو بياخدو كام الف وياريت القناه بتدفعهم لا راعى المسابقى هوا الى بيدفعها والقناه تاخد الربح وفلوسه تزيد ده طبعا غير اعلانات المسابقات الكتير المدفوعه من برا القنوات وده ما ان يدل فيدل على ان كل من كان معاه قرشين ومش لاقى حاجه يعملها بيعمل مسابقه المهم نصيحتى ازاى تكسب هوا انك تبعد عن الحاجات دى لانها احلام وفى رايى مش هاتوصل لحاجه الناس بتغنى على الناس عشان تلم فلوسهم وتلعب على احلامهم مابين خطوط تستهدف المراهقين وخطوط تستهدف المتدينين ويقولك عاملين الخط ده عشانك فى الاعلان عشان رمضان كريم طيب لما هوا عشانى ورمضان كريم ليه بقا بفلوس مش ببلاش

مكسبك الحقيقى انك تبعد عن الحاجات دى ولو فعلا عايز تقول للناس كل سنه وانتم طيبين اعمل خير ولو عديت راجل عجوز الشارع حتى احسنلك فى رمضان وانما الاعمال بالنيات